إحنا بنحفظ إيه؟
لما بتكمل حساب تكلفة في الحاسبة، بنحفظ تفاصيل الطلب: المناطق (من وإلى)، حجم النقلة ونوعها، الأدوار والأسانسير، عدد العمال والفنيين والونش، التقدير اللي طلع، والميعاد المفضل لو كتبته، مع رقم طلب مرجعي.
وبيتحفظ معاهم كمان تلات حاجات تقنية: نوع متصفحك ونظام جهازك (سطر الـ user agent اللي المتصفح بيبعته لوحده)، والصفحة اللي جيت منها لو جيت من رابط في مكان تاني، وعلامة إنك دوست على زرار الواتساب: دي بتفرّق بين طلب اتحسب واتبعت وطلب اتحسب واتساب. ولو وصلت من إعلان بنحفظ روابط الـUTM كمان.
الحاسبة مش بتطلب اسمك ولا رقم تليفونك ولا إيميلك. رقمك بيوصلنا بس لو انت اللي بعت رسالة واتساب أو اتصلت.
وبنستخدمها في إيه؟
حاجتين بس: تجهيز طلبك لما تبعته لأ. محمود (رقم الطلب بيربط رسالتك بالتفاصيل المحسوبة)، وفهم الطلبات اللي بتتحسب وما بتتبعتش عشان نحسّن الخدمة والأسعار. مفيش بيع بيانات، ومفيش مشاركة مع أي طرف تالت لأغراض تسويقية.
إيه اللي بيتحفظ على جهازك انت؟
الحاجات دي بتتحفظ في متصفحك (localStorage) عشان لو قفلت الصفحة ورجعت تلاقي شغلك زي ما هو. كلها على جهازك انت، ومفيش منها حاجة بتتبعت لنا لوحدها:
- مسودة الآلة الحاسبة · بيفضل لحد ما تمسحه
- علاماتك في قايمة التجهيز · بيفضل لحد ما تمسحه
- اختياراتك في قايمة التجهيز · بيفضل لحد ما تمسحه
- ميعاد نقلتك في خطة التجهيز · بيفضل لحد ما تمسحه
- قايمة الجرد · بيفضل لحد ما تمسحه
- تأجيل اقتراح التطبيق · بيفضل لحد ما تمسحه
- مصدر الزيارة (بيروح لوحده لما تقفل التبويب) · بيروح لوحده لما تقفل التبويب
وبتقدر تمسحها كلها من صفحة التطبيق بدوسة واحدة، أو بمسح بيانات المتصفح في أي وقت.
لو فعّلنا أدوات قياس زيارات (زي Google Analytics أو Meta Pixel)، بتسجل أحداث استخدام عامة زي فتح الحاسبة أو الضغط على زرار الواتساب. الأدوات دي بتمشي على سياسات مشغليها، وبنحدّث الصفحة دي لما نضيفها.
عايز بياناتك تتمسح؟
ابعت رقم الطلب المرجعي (اللي بيبدأ بـ AFS) على واتساب 01141984031 واطلب المسح، وبنمسح تفاصيل الطلب من عندنا. من غير رقم الطلب مش بنقدر نحدد صفك في البيانات لأننا مش بنحفظ هويتك أصلاً.
ورقم الطلب ده محفوظ جوه مسودة الحاسبة على جهازك. يعني لو مسحت المسودة قبل ما تنسخه، مش هيبقى معاك. صفحة التطبيق بتوريهولك قبل المسح عشان كده.